അനുസ്മരണം

 7*എകെജിയെ വിജയിപ്പിക്കുക,* *സഖാവ് _എകെ ഗോപാലനെ_* *വിജയിപ്പിക്കുക.* *സികെജിയെ വിജയിപ്പിക്കുക,* *നമ്മുടെ നേതാവ്*  *_സികെ ഗോവിന്ദൻനായരെ_ വിജയിപ്പിക്കുക* ഇംഗ്ലീഷ് അക്ഷരമാലയിലെ "ബി" എന്ന അക്ഷരത്തിന് അപ്പുറവുമിപ്പുറവുമുള്ള അക്ഷരങ്ങളിൽ ചുരുക്കപ്പേര് തുടങ്ങുന്ന രണ്ട് രാഷ്ട്രീയ വമ്പന്മാർ. ഭാരതം സ്വതന്ത്രമായതിന് ശേഷം ഒരു പൊതു തിരഞ്ഞെടുപ്പിന്റെ  പ്രചരണം കൊടുമ്പിരിക്കൊണ്ടിരിക്കുന്ന വേളയിൽ *കണ്ണൂർ* ലോകസഭാമണ്ഡലത്തിൽ മത്സരിക്കുന്ന സ്ഥാനാർത്ഥികൾക്ക് വേണ്ടി അണികൾ മുഴക്കിയ ശബ്ദകോലാഹലങ്ങളാണ് വാക്യരൂപത്തിൽ നാം കണ്ടത്. 1952 ൽ നടന്ന വാശിയേറിയ തിരഞ്ഞെടുപ്പിൽ  _സഖാവ് എകെജിയാണ്_ ലോകസഭയിലെത്തിയത്. *ബ്രിട്ടന്റെ* ഭരണത്തിൽ ഭാരതം വീർപ്പുമുട്ടിയ നാളുകൾ. _കോൺഗ്രസ്സിന്റെ_ ആദർശങ്ങൾക്കായി ജീവിതം ഉഴിഞ്ഞുവച്ച ഒരു യുവാവിനോട് രാഷ്ട്രീയ പ്രവർത്തനം അവസാനിപ്പിക്കണമെന്ന് കോടതി മുറിയിൽ ജഡ്ജി നിർദ്ദേശിച്ചു. ജോലി തന്നെ വേണ്ടെന്നാണ് ആ യുവാവ് തീരുമാനിച്ചത്. സമ്പന്നമായ ജീവിത സൗഭാഗ്യങ്ങൾക്കിടയിൽനിന്ന് പൊതു പ്രവർത്തനത്തിന്റെ കല്ലും മുള്ളും നിറഞ്ഞ വഴി തിരഞ്ഞെടുത്ത ആ യുവാവായിരുന്നു *സി.കെ.ജി* എന്ന ചുരുക്കപ്പേരിൽ അറിയപ...

*മുക്തി ബാഹിനി* *കിഴക്കൻ പാകിസ്ഥാനിന്റെ വിമോചനത്തിന് ഇന്ത്യയുടെ പ്രേരണയാൽ രൂപീകരിക്കപ്പെട്ട സേന* ഇന്ത്യയെന്നാൽ *ഇന്ദിര* എന്നറിയപ്പെടാൻ ആഗ്രഹിച്ച ഒരു വനിതാ ഭരണാധികാരിക്ക് കൂട്ട് നില്ക്കാനും പരമോന്നത സ്ഥാനത്ത് നിക്ഷിപ്തമായിട്ടുള്ള അധികാരങ്ങൾ തനിക്ക് നേരേ തിരിയാതിരിക്കാനും തന്റെ ചൊല്പടിക്ക് നില്ക്കുന്ന ഒരു പ്രസിഡണ്ട് തന്റെ ഭരണകാലത്ത് ഉണ്ടായാൽ ഉചിതമായിരിക്കുമെന്ന് അവർക്ക് വളരെ മുമ്പേ ആലോചനയുണ്ടായീരുന്നിരീക്കാം. 1971 ലെ ഇന്ത്യാ പാകിസ്ഥാൻ പോരാട്ടത്തിന്റെ ബാക്കിപത്രം പ്രിയദർശിനിയെ 1972 ൽ *ഭാരതരത്നം*  ബഹുമതിക്കർഹയാക്കി. ഇന്ദിരയും *സുൾഫിക്കർ അലി ഭൂട്ടോയും* _സിംലയിൽ_ കരാർ അംഗീകരിച്ചതിന്റെ തൊട്ടടുത്ത നാളുകളിൽ പരമോന്നത പുരസ്ക്കാരം പ്രഖ്യാപിക്കപ്പെട്ടു. ഇന്ത്യയുടെ മൂന്നാമത്തെ രാഷ്ട്രപതിയായ *ഡോ സാക്കീർ ഹുസൈൻ*  കാലാവധി തികയ്ക്കാതെ 1969 മെയ് മാസത്തിൽ നിര്യാതനായതിനെത്തുടർന്നാണ് 1969 ൽ നാലാമത്തെ പ്രസിഡന്റ് തിരഞ്ഞെടുപ്പ് സംജാതമായത്. അധികാരത്തിലിരിക്കുന്ന കോൺഗ്രസ്സ് കക്ഷിയുടെ സ്ഥാനാർത്ഥിയായി  *നീലം സഞ്ജീവറെഡ്ഡി* എന്നയാളെ തീരുമാനിച്ചു. അന്ന് കോൺഗ്രസ്സിലെ   സിൻഡിക്കേറ്റ് വിഭാഗം ഇന്ദി...

*"പൊന്നുതമ്പുരാൻ പൊറുക്കണം.* *ഇതൊരു വിജയമേ അല്ലെന്ന് പറയേണ്ടിയിരിക്കുന്നു '* *നമ്മുടെ നീക്കം അത്രയും പാഴിലായില്ലേ?.* *അല്ല*  *ഇനിയും*  *ഇവിടത്തോട്* *ഈയുള്ളവന്* *ചിലത് ഉണർത്തിക്കാനുണ്ടേ!.* *നാലാൾ കൂടുന്നിടത്ത്* *നാക്കിലൊരടക്കം* *പറയുന്നതായി അറിയുന്നു*, *ഇളയതമ്പുരാൻ ""ഉദയനൻ"" *എന്തോ ചില ദുരുദ്യേശ്യങ്ങളോടുകൂടി,* *നാടിനെ നശിപ്പിക്കുന്നതിനായി.....* *അല്ല കേട്ടത്.....?""* 1981 ഫെബ്രുവരിയിൽ *നവോദയയുടെ* _ഫാസ്സിൽ_ സംവിധാനം ചെയ്ത പുതുമുഖ അഭിനേതാക്കളെ ഉൾപ്പെടുത്തിക്കൊണ്ടുള്ള  *മഞ്ഞിൽ വിരിഞ്ഞ പൂക്കൾ* എന്ന ചലച്ചിത്രത്തിന്റെ *അമ്പതാംദിനം*  *തിരുവനന്തപുരം* _"എം പി തിയേറ്ററിൽ"_ ആഘോഷിക്കുന്നു. ചലച്ചിത്രരംഗത്തെ പ്രമുഖർ ചിത്രത്തിലെ പുതുമുഖങ്ങൾ സർക്കാർ പ്രതിനിധികൾ എന്നിവരൊക്കെയുള്ള വേദിയിൽ *നവോദയാ അപ്പച്ചൻ* (എംസി.പുന്നൂസ്സ്)  തങ്ങളുടെ പുതിയ ബിഗ്ബഡ്ജറ്റ്, വടക്കൻപാട്ട് ശൈലിയിലുള്ള  ചിത്രത്തിന്റെ ചീത്രീകരണമാരംഭിക്കുന്ന  കാര്യത്തെക്കുറിച്ച് അറിയിച്ചു. തുടർന്നുള്ള നാളുകളിലെ സിനിമാ പ്രസിദ്ധീകരണങ്ങളിൽ നിന്നാണ് അപ്പച്ചൻ *പടയോട്ടം* എന്ന വ്യത്യസ്തതകളുള്ള ചിത്രമാണ് നി...

*രാമൻനായർ..* *എന്തു പറ്റി.*  *മുടിയൊക്കെയങ്ങ് കൊഴിയുന്നുണ്ടല്ലോ?* *എന്തെണ്ണയാ തേയ്ക്കുന്നത്.?* *ഓർമ്മയില്ല.* *ഓർമ്മശക്തി കുറയും* *പ്രായമായി വരികയല്ലേ?.* *വലിയചന്ദനാദിയെണ്ണ ബെസ്റ്റാ?.* *ഓർമ്മശക്തികൂടും* *നല്ല ഉന്മേഷവും കിട്ടും.* *ഏത് വാച്ചാ കൈയിൽ കെട്ടിയിരിക്കുന്നത് ?.* _ഷാജി കൈലാസിന്റെ_ ഒരു ബ്ലോക്ക്ബസ്റ്റർ ചിത്രത്തിലെ  ഒരു കോടതിരംഗം.  രാമൻനായരെന്ന  കാര്യസ്ഥനെ ക്രോസ്സ് വിസ്താരം നടത്തുകയാണ് പ്രശസ്ത അഭിഭാഷകൻ.   *നന്ദഗോപാൽ മാരാരാണ്*  സാക്ഷിയെ കുഴങ്ങുന്ന ചോദ്യങ്ങളാൽ മുട്ടുകുത്തിപ്പിച്ചത്. അവസാനം  ഒരു പൊട്ടിക്കരച്ചിലോടെ സാക്ഷി കോടതിയിൽ സത്യമേറ്റു പറഞ്ഞു. കള്ളക്കേസ്സിൽ നിരപരാധിയായ ഒരു വ്യക്തിയെ കുടുക്കാമെന്ന്  ചിന്തിച്ചിരുന്നവർ നിരാശരായി. ഇത്തരം രംഗങ്ങൾ സിനിമയിൽ കാണുന്നതും ആസ്വദിക്കുന്നതും രസമുള്ള കാര്യമാണ്. വർഷങ്ങൾക്ക് മുമ്പ് തലസ്ഥാന നഗരത്തിലെ കോടതികളിലും തീ പാറുന്ന ചോദ്യശരങ്ങളെയ്ത് കള്ളസാക്ഷികളെ വിറപ്പിച്ചിരുന്ന, മാരാർക്ക് സമനായൊരു അഭിഭാഷകനുണ്ടായിരുന്നു. എല്ലാ രംഗങ്ങളിലും ചില മനുഷ്യർ ""ലെജൻഡുകളായി"" മാറും. അവിശ്വസനീയവും  അസാധ്യമെന്നു  കര...

*വായിച്ചാൽ വളരും,* *വായിച്ചില്ലെങ്കിലും വളരും.* *വായിച്ചാൽ വിളയും*. *വായിച്ചില്ലെങ്കിൽ 'വളയും* *കുഞ്ഞുണ്ണിമാഷുടെ* കുട്ടിക്കവിതയാണെങ്കിലും സാരാംശം ഗംഭീരം. ''മനുഷ്യാ പുസ്തകം കൈയിലെടുക്കൂ അതൊരു ആയുധമാണ്"" എന്ന് _ജർമ്മൻ_ മഹാകവി *ബ്രെഹ്തോൾഡ്* പാടിയിട്ടുണ്ട്. മനുഷ്യന് ആദ്യം വേണ്ടത് ഭക്ഷണമാണെന്നും പിന്നെ വേണ്ടത് വിശപ്പ് മാറ്റാനാവശ്യമായ അക്ഷരത്തിന്റെ കരുത്താണെന്നും  *പി.എൻ പണിക്കർ* തലമുറകളെ പഠിപ്പിച്ചു. ക്ഷരം(നാശം) ഇല്ലാത്തതാണ് *അക്ഷരം* അത് ഭാഷയുടെ അടിസ്ഥാനമാണ്. "വായനകൊണ്ടേ അത് നിലനില്ക്കു." *വായനക്ക് മരണമില്ല.* ഇന്ന് ദേശീയ വായനാദിനം.. ഇന്നു മുതൽ ഒരാഴ്ചക്കാലം വായനാ വാരമാഘോഷിക്കുന്നു. കൂട്ടുകാരെ അക്ഷരങ്ങളെ പ്രണയിക്കൂ... ""വായന അറിവും തിരിച്ചറിവുമാണ്. മുന്നിലും പിന്നിലും കിടക്കുന്ന വഴികണക്കെയാണത്. കാലങ്ങൾക്കപ്പുറത്തേക്കാണ് ഓരോ പുസ്തകത്തിന്റെയും താളുകൾ മറിയുന്നത്. ഓർമ്മകളുടെയും സ്വപ്നങ്ങളുടെയും കാവൽക്കാരാണ് വാക്കുകൾ. ജീവിതത്തിന്റെ സംഗീതമാണ് വായന....... വസന്തവും......"" കന്യാകുമാരിമുതൽ കാസർകോടുവരെയുള്ള  അയ്യായിരത്തിലേറെ വരുന്ന ഗ്രാമങ്ങളിലൂടെ നെടു...

*ആഴുവാഞ്ചേരി തമ്പ്രാക്കളിലു-* *ണ്ടയ്യൻ പുലയനിലു-*  *ണ്ടാദിത്യനിലുണ്ടണുകൃമിയിലുമു-* *ണ്ടതിൻ പരസ്ഫുരണം* 1893 തിരുവനന്തപുരത്തിനടുത്തുള്ള *വെങ്ങാനൂരിലെ* പൊതുവഴിയിലൂടെ ഒരു വില്ലുവണ്ടി കുതിച്ചു പായുകയാണ്.  രണ്ട് വെള്ളക്കാളകളെ കെട്ടിയ ആ വണ്ടി മണിനാദം മുഴക്കി പാഞ്ഞുവന്നപ്പോൾ ആളുകൾ കൂട്ടംകൂടി, വണ്ടിയിൽ വരുന്നതാരാണെന്ന് കാണാൻ. വണ്ടിക്കുള്ളിൽ അവർ കണ്ടത് പതിവ്പോലെ ഒരു തമ്പ്രാനെയല്ല. അധകൃതരിലൊരാളെയായിരുന്നു. *അയ്യൻകാളിയെ.* തമ്പ്രാക്കന്മാരെപ്പോലെ വെള്ള അരക്കയ്യൻ ബനിയനും മേൽമുണ്ടും ധരിച്ചായിരുന്നു ആ വരവ്. തലയിൽ വട്ടക്കെട്ടുമുണ്ടായിരുന്നു. ചട്ടമ്പികൾ വണ്ടിയെ വളഞ്ഞു. മേൽ മുണ്ടെടുത്തു മാറ്റാൻ അവർ അയ്യൻകാളിയോട് കല്പിച്ചു. അത് കേട്ടതായി ഭാവിക്കാതെ ഇടത്കൈകൊണ്ട് മീശതടവി  വലത്കൈകൊണ്ട്  മടിക്കുത്തിൽ നിന്ന് കഠാര വലിച്ചൂരി _അയ്യൻകാളി_ അവരെ നേരിട്ടു. വില്ലുവണ്ടിയിൽ _അയ്യൻകാളി_  യാത്ര ചെയ്തുവന്നത് ചരിത്രത്തിലേക്കാണ്. താഴ്ന്ന ജാതിക്കാർക്ക്‌ പൊതുവഴി നടക്കാൻ പാടില്ലാതിരുന്ന കാലഘട്ടത്തിൽ  വില്ലുവണ്ടിയോ വെള്ള വസ്ത്രമോ ധരിക്കാൻ പാടില്ലാത്ത സമയത്ത് _അയ്യൻകാളിയുടെ_ ""അയിത്തവണ്ടി"" പല  ...

*വെള്ളിനക്ഷത്രമെ നിന്നെ* *നോക്കി* *തുള്ളിത്തുളുമ്പുകയെന്യേ* *മാമകചിത്തത്തിലന്നും ഇല്ല* *മാദക വ്യാമോഹമൊന്നും* ഒരു വിരഹഗാനത്തിന്റെ  ആന്തരികലാവണ്യം സംശോഭിതമായതിന് ഇതിലും ഉത്തമമായ മാതൃക    കണ്ടെത്താനാവില്ല. 1967 ൽ *ചങ്ങമ്പുഴയുടെ* _രമണൻ_ എന്ന വിലാപകാവ്യം  *ഡിഎം പൊറ്റക്കാട്ട്* എന്ന സംവിധായകൻ ചലച്ചിത്രമാക്കുന്നതിന് തീരുമാനിച്ചു.  ഗാനങ്ങൾ ചിട്ടപ്പെടുത്താനായെത്തിയ *കെ.രാഘവനോട്* നിഷ്ക്കർഷിച്ച്   പറഞ്ഞതിൻപ്രകാരമായിരുന്നു. ""പുസ്തകത്തിലെ വരികൾക്ക് മാറ്റമുണ്ടാകാതെയും കാവ്യഭംഗി നഷ്ടപ്പെടാതെയും സന്ദർഭമനുസരിച്ചും  ഏഴോ എട്ടോ ഗാനങ്ങൾ യോജിച്ചരീതിയിൽ,  അങ്ങ്  ചിട്ടപ്പെടുത്തണം."" സംവിധായകന്റെ  അഭിപ്രായപ്രകാരം ഇരുപതോളം ഗാനങ്ങൾ ചിത്രത്തിനായി ചിട്ടപ്പെടുത്തി. "ചപല വ്യാമോഹങ്ങൾ ആനയിക്കും," "കാനനഛായയിൽ", "ഏകാന്ത കാമുകാ",  "സംപൂതമി പ്രേമഭിക്ഷ", "പൊട്ടുകില്ലിനി"  മുതലായ ഗാനങ്ങൾ  കവിതപോലെ വമ്പൻ വിജയമായി.  ചിത്രം ശരാശരി വിജയമേ  കരസ്ഥമാക്കിയുള്ളുവെങ്കിലും ഗാനങ്ങൾക്കുള്ള പ്രസക്തി നഷ്ടമായിട്ടില്ല. *എൻതുച്ഛജീവിതംകൊണ്ടുമീ ലോകത്തി-* *നെന്തെങ്കി...

*കാർ കുഴലിൽ പൂവ് ചൂടിയ കറുത്ത പെണ്ണേ,* *വാർതിങ്കൾ പൂവ് ചൂടിയ കറുത്ത പെണ്ണേ,* *ഇതിലേ വാ*  *തോണി തുഴഞ്ഞിതിലേ വാ,* *ഇവിടത്തെ കടവത്തെ കൈത പൂത്തു.* 1980 ലാണ് മലയാള ചലച്ചിത്രമേഖലയിലെ വിതരണക്കാരായ "വിജയാ മൂവീസ് റിലീസ്"  ഒരു ബിഗ്ബഡ്ജറ്റ് ചിത്രം *ജയനെ*  കേന്ദ്രകഥാപാത്രമാക്കി നിർമ്മിക്കുവാൻ തീരുമാനിച്ചത്. ആഗസ്റ്റിൽ താരനിർണയവും പ്രാരംഭ പ്രവർത്തനവും ആരംഭിച്ചു. പ്രമുഖ കഥാകൃത്ത് *ഷെരീഫാണ്* പേപ്പർവർക്ക്.   *പിജി.വിശ്വംഭരൻ* സംവിധാനവും ഏറ്റെടുത്തു ദോഷകരമെന്നേ പറയേണ്ടു. നായകനായ കയർ തൊഴിലാളി യൂണിയൻ പ്രവർത്തകൻ _ഗോപിയുടെ_ വേഷമഭിനിയിക്കേണ്ട _ജയൻ_ അപകടത്തിൽ മൃത്യു വരിച്ചു. അണിയറ പ്രവർത്തകർ ആകെ സങ്കടത്തിലായി. നിർമ്മാണം നിലച്ചു. തുടർന്നാണ് അന്ന് രണ്ടാംകിട നായകനടന്മാരിൽ മുൻ നിരയിലായിരുന്ന *സുകുമാരനെ* ഗോപിയുടെ വേഷമേല്പിച്ചത്. *വാണിയമ്പാടി* ട്രെയിനപകടത്തിൽ നിന്നും രക്ഷപ്പെട്ട *കെ.പി.ഉമ്മറും* *സ്ഫോടനം* എന്ന പേരിൽ 1981ൽ പുറത്തുവന്ന സിനിമയിൽ അഭിനയിച്ചു. ചിത്രം വൻ വിജയമാവുകയും _സുകുമാരന്റെ_ താരമൂല്യം ഒന്നുകൂടി ഉയരുകയുമുണ്ടായി. "ധിക്കാരിയുടെ കാതൽ" എന്നൊരു പുസ്തകം മലയാളത്തിലുള്ളതായി കേട്ടിരിക്കു...

*പരാനപേക്ഷം പ്രാണിക്കമരാൻ* *പഴുതില്ലൊരിടത്തും,* *പരൻ പുമാനും പ്രകൃതിസഹായൻ* *പ്രപഞ്ചഘടനത്തിൽ,* മഹാകവി *ഉള്ളൂരിന്റെ* തത്വചിന്തയാണ്. പരമപുരുഷന് പോലും പരസഹായമില്ലാതെ പ്രപഞ്ചത്തിൽ വർത്തിക്കാനാകില്ല. "ഒരുത്തനായാലവനൊരുത്തി വേണമെന്ന്"" ശൂർപ്പണഖയോട് ശ്രീരാമൻ പറഞ്ഞതുപോലെ മാനവനായാലും തിര്യക്കുകൾക്കായാലും പ്രാണിപുഴുവർഗങ്ങൾക്കും സസ്യലതാതികൾക്കും അന്യോന്യം സഹവർത്തിത്തമുണ്ടായാലെ ജീവിതം പൂരകമാകൂ. *പ്രേമസംഗീതം* പത്താം ക്ലാസ്സിലെ  മലയാള പുസ്തകത്തിൽ ആവേശത്തോടെ പാടിപ്പഠിച്ച  ആ കവിതയിലെ വരികളിലെ തത്വചിന്തയും വിശ്വമാനവികതയും ലോകവീക്ഷണവും  അന്വർത്ഥമാകുന്നത്  ഉൾക്കൊള്ളാൻ മർത്ത്യർ ഇനിയും തുടങ്ങിയിട്ടില്ല.   *പ്രാവേ പ്രാവേ പോകരുതേ* *വാ വാ കൂട്ടിനകത്താക്കാം.* *പാലും പഴവും പോരെങ്കിൽ,* *ചോറും കറിയും ഞാൻ നല്കാം* പഴയ രണ്ടാംക്ലാസ്സിലാണെന്ന് തോന്നുന്നു  *പ്രാവും കുട്ടിയും*  എന്ന ചെറിയൊരു  _ഉള്ളൂർക്കവിത_ വായിച്ചതിന്റെ സൗന്ദര്യം വിതറുന്ന ഓർമ്മകളാണ് മഹാകവിയെക്കുറിച്ചുള്ള ചെറിയ അനുസ്മരണം തയ്യാറാക്കാൻ സന്തോഷമേകുന്നത്. എഴുത്തുകാരൻ എന്ന നിലയിൽ ഒരത്ഭുതമാണ് മഹാകവി   *ഉള്ളൂർ എസ്സ...

*പെരിയാറേ പെരിയാറേ* *പർവ്വതനിരയുടെ പനിനീരേ* *കുളിരുംകൊണ്ട് കുണുങ്ങി നടക്കും മലയാളിപ്പെണ്ണാണ്  നീ* *ഒരു മലയാളിപ്പെണ്ണാണ് നീ* 1962 ൽ  പുറത്തിറങ്ങിയ _ഉദയായുടെ_ *ഭാര്യ* എന്ന ചിത്രമാരംഭിക്കുന്നത് സിനിമാ  പ്രേക്ഷകർ നെഞ്ചിലേറ്റിയ മേല്പറഞ്ഞ ഗാനത്തോടെയാണ്. *കുഞ്ചാക്കോ* സംവിധാനം ചെയ്ത ഈ ചിത്രത്തിന്റെ കഥയും തിരക്കഥയും രചിച്ചത് പ്രശസ്ത നോവലിസ്റ്റ്  *കാനം* ആയിരുന്നു. മധ്യതിരുവിതാംകൂറിലെ  ഒരു കോളേജ് പ്രൊഫസ്സറുടെ ജീവിതത്തിൽ സംഭവിച്ച ദുരന്തമായിരുന്നു _ഭാര്യയുടെ_ തിരക്കഥയ്ക്ക് ആധാരം. ചിത്രം വമ്പിച്ച വിജയമായെന്ന് മാത്രമല്ല യഥാർത്ഥ കുറ്റവാളി ശിക്ഷിക്കപ്പെട്ട് ജയിലിലേക്ക് പോകുന്ന യഥാർത്ഥ ചിത്രങ്ങൾ കൂടി സിനിമയുടെ കൂടെ അന്നു പ്രദർശിപ്പിച്ചിരുന്നു. *സത്യനും ,രാഗിണിയും, ബഹദൂറും ,എസ്പിയും* അഭിനയിച്ച ചിത്രത്തിലെ ഗാനങ്ങൾ ഒരുക്കിയത് *വയലാറും ദേവരാജനുമായിരുന്നു.* ശ്രീ _കെ.ജെ യേശുദാസ്_ ആദ്യമായി ദേവരാജന്റെ സംഗീതത്തിൽ പാടിയ ചിത്രവും _ഭാര്യയാണ്_ അധ്യാപകൻ ഗാനരചയിതാവ് നോവലിസ്റ്റ്, നാടകകൃത്ത്  എന്നീ രംഗങ്ങളിൽ പ്രവർത്തിച്ച *കാനം ഇജെ* എന്ന *ഇലവുങ്കൽ ജോസഫ് ഫിലിപ്പ്* കോട്ടയംജില്ലയിലെ കങ്ങഴയ്ക്കടു...

*പക്ഷി സഞ്ചയങ്ങളെ നിങ്ങളുമുണ്ടോ കണ്ടു,* *പക്ഷ്മളാക്ഷിയെ മമ ചൊല്ലുവിൻ പരമാർത്ഥം.* *അദ്ധ്യാത്മരാമായണം*  കിളിപ്പാട്ടിലെ  "ആരണ്യകാണ്ഡത്തിലെ" സീതന്വേഷണം എന്ന അദ്ധ്യായത്തിലെ ഈരടികളാണ് മുകളിൽ എഴുതിയത്. പ്രാണപ്രിയയായ സീതാദേവിയെ ആശ്രമത്തിൽ കാണാതെ വിവശനായ രാമൻ സഹോദരനോടൊപ്പം മൈഥിലിയെ തിരഞ്ഞ് കാനത്തിലൂടെ ഉഴറുമ്പോൾ മനസമാധാനത്തിനായി പറവകളോടും ദേവിയുടെ തിരോധാനത്തെക്കുറിച്ച് ആരായുന്നു. വളരെ പൗരാണിക കാലം മുതൽ മനുഷ്യന് ഖഗങ്ങളോടുണ്ടായിരുന്ന വിശാലമായ ഐക്യത്തെയാണ്  മേൽവരികളിലൂടെ പ്രകടമാകുന്നത്. സീതയുടെ കുട്ടിക്കാലത്ത് തന്നെ കാഞ്ചനക്കൂട്ടിൽ വളർത്തിയ തത്തയുടെ കഥ *വള്ളത്തോൾ* വളരെ സൗന്ദര്യാത്മകമായി കവിത രചിച്ചതും പ്രൈമറി ക്ലാസ്സിൽ നമ്മൾ പഠിച്ചിരുന്നതും ചിലരെങ്കിലും ഓർക്കുന്നുണ്ടാവും. *"ബന്ധുര കാഞ്ചന കൂട്ടിലാണെങ്കിലും* *ബന്ധനം ബന്ധനം തന്നെ പാരിൽ."* ഈ ഭൂമി വിവിധവും വ്യത്യസ്തവുമായ അനേകം ജന്തൂക്കളുടെ ആവാസകേന്ദ്രമാണ്.  ഇരുകാലിൽ നിവർന്ന്  നടക്കുന്ന മർത്യനാണ്  പ്രപഞ്ചശില്പിയുടെ ഏറ്റവും ഉത്കൃഷ്ട സൃഷ്ടിയെന്ന് ഇത്തിരിവട്ടമോളമുള്ള ക്ഷിതിയിലിനുന്ന്  മതിമറന്നാഹ്ളാദിക്കുന്ന മനുഷ്യൻ,  വ...

2011 ജൂലൈയിലാണ് പ്രശസ്ത സംവിധായകൻ  ശ്രീ _ബ്ലസ്സി_ _അനുപംഖേർ_ എന്ന ഹിന്ദിനടനെ നായകനായും  _മോഹൻലാൽ_, _ജയപ്രദ_   മുതലായവരെ ഉൾപ്പെടുത്തിയും *പ്രണയം* എന്ന ചിത്രമൊരുക്കിയത്. _തമിഴ്നാട്ടിലെ_ _രാമേശ്വരത്തിനടുത്ത_ *ധനുഷ്കോടി* യിലെ കടൽക്കരയിലാണ്  പ്രധാനരംഗങ്ങൾ ചിത്രീകരിച്ചത്. മോഹൻലാൽ അഭിനയിച്ച ക്ലൈമാക്സ് രംഗങ്ങൾ ഷൂട്ട് ചെയ്യൂന്നതിനിടയിലാണ്  നാട്ടിലുള്ള അദ്ദേഹത്തിന്റെ വീടുകളിൽ സർക്കാർ പരിശോധന നടത്തിയത്. ഷൂട്ടിംഗ് അവസാനിപ്പിച്ച് നാട്ടിലേയ്ക്ക് പോകാമെന്ന് സംവിധായകൻ തീരുമാനിച്ചുങ്കിലും ലാൽ വഴങ്ങിയില്ല. ചിത്രീകരണം തടസ്സമില്ലാതെ തുടരട്ടെ എന്നാണഭിപ്രായപ്പെട്ടത്. 1989 ൽ _പ്രിയദർശൻ_ *വന്ദനം* എന്ന ചിത്രമെടുത്തയുടനെ _ലാൽ, ഗിരിജ_ എന്നിവരെ പ്രധാന കഥാപാത്രങ്ങളാക്കി *ധനുഷ്കോടി*  എന്നൊരു ചിത്രം അനൗൺസ് ചെയ്തിരുന്നു. എന്നാൽ ചിത്രത്തിന്റെ കടലാസ് പണിപോലും തുടങ്ങാതെ പ്രോജക്ട് ഉപേക്ഷിക്കുകയായിരുന്നു. *കൊച്ചിയിൽ* നിന്നും   _മൂന്നാർ മധുര രാമനാഥപുരം_  _രാമേശ്വരം_വഴി കിഴക്കൻതീരത്ത് അവസാനിക്കുന്ന  ദേശീയപാതയ്ക്ക്  *കൊച്ചി - ധനുഷ്കോടി* പാത എന്നാണ് പേരിട്ടിരിക്കുന്നത...

*കണ്ണുകൾ*  *നിറംമങ്ങിക്കാതുകൾ* *കേളാതായി* *പണ്ഡിതൻ മഹാകവി* *വാണിതക്കുഗ്രാമത്തിൽ* ഒമ്പതാംക്ലാസ്സിലെ മലയാള പാഠപുസ്തകത്തിൽ *പാലാ നാരായണൻനായരുടെ* _പൗർണ്ണമി_ എന്ന കവിതാസമാഹാരത്തിൽ നിന്നെടുത്ത *ഹിരണ്യമേവാർജ്ജയ* എന്ന കവിതയിലെ  ആദ്യത്തെവരികളാണ്  മേലുദ്ധരിച്ചത്. സംസ്കൃത മഹാകവിയായ *മാഘന്റെ* ജീവിതവുമായി ബന്ധപ്പെട്ട ഒരു സത്യമായിരുന്നു കവിത. *വൃക്ഷമൂലത്തിൽ കവി ചത്തിരിക്കുന്നു* എന്ന വരി, ക്ലാസ്സിൽ പഠിച്ചപ്പോൾത്തന്നെ മനസ്സ് വിഷമിച്ചിരുന്നു. "പാലായുടെ" കവിതകൾ വ്യാപകമായി പാഠപുസ്തകങ്ങളിൽ അക്ഷരലക്ഷം നേടാൻ വിദ്യാർത്ഥികൾക്ക് സിദ്ധിച്ചിരുന്നില്ല എന്നാണ് തോന്നുന്നത്.  കാവ്യ ജീവിതത്തിന്റെ അടിത്തറ കലാബോധത്തിന്റെയും മാനവിക സ്നേഹത്തിന്റെയും ഹൃദയതാളമാണ് എന്ന് നിരന്തരം നമ്മെ ഓർമ്മിപ്പിച്ച കവി. ആന്തരിക യാഥാർത്ഥ്യത്തിന്റെ ചിത്രങ്ങൾ വിതാനിച്ച് പ്രകൃതിയിലെ സമസ്തഭാവങ്ങളെയും കാല്പനികതയിലൂടെ ആവാഹിച്ച് അനുവാചകരെ വിസ്മയിപ്പിച്ച എത്രയോ കവിതകൾ അദ്ദേഹത്തിന്റെ തൂലികയിൽ നിന്നും പിറന്നുവീണു. 1978 മുതൽ *വൈക്കം*  _ടിവി പുരത്തുള്ള_ പുത്തൻവീട്ടിൽ മഠത്തിൽ കാവ്യസപര്യയുമായി ജീവിച്ചു _പാലാ.._ തന്റെ അന്ത്യകാലംവരെ ...