അനുസ്മരണം

*ഓ..ഓ..ഓ.*. *പൊട്ട്രി പാടെടി പെണ്ണേ...* *തേവർ കാലെടി നന്നേ...* *തെക്ക് തെശ ആണ്ട*  *മന്നർ ഇനം താൻ ഹോ...* *മുക്കുലത്ത് ശേർന്ത* *തേവർ മകൻ താൻ ഹോ...* *പൊട്ട്രി പാടെടി പെണ്ണേ* 1992 ലാണ്  *ഭരതൻ* എന്ന മലയാളത്തിലെ മികച്ച ക്രാഫ്റ്റ്മാൻ,   തമിഴിൽ _കമലഹാസ്സനെ_ മുഖ്യ കഥാപാത്രമാക്കി ഒരു ചലച്ചിത്രം അണിയിച്ചൊരുക്കാൻ തീരുമാനിച്ചത്. കമലഹാസന്റെ സ്വന്തം ചലച്ചിത്ര നിർമ്മാണ കമ്പനിയായ രാജ്കമൽ ഫിലിംസ് ഇന്റർനാഷണലിന്റെ ബാനറിൽ കമലഹാസൻ രചിച്ച കഥയായിരുന്നു *തേവർ മകൻ.* നിരവധി ദേശീയ പുരസ്ക്കാരങ്ങൾ വാരിക്കൂട്ടിയ ചിത്രത്തിൽ ശക്തിവേൽ എന്ന കമലിന്റെ കഥാപാത്രത്തിന്റെ അച്ഛനായിട്ടായിരുന്നു തമിഴകം ആരാധിച്ചിരുന്ന  *നടികർ തിലകം*  *ശിവാജി ഗണേശൻ* നടിച്ചത്. *പൊള്ളാച്ചിക്ക്* സമീപം *രംഗസമുദ്രം* എന്ന  സ്വച്ഛശാന്തത നടമാടുന്ന, സൗന്ദര്യം തൂളുമ്പുന്ന ഗ്രാമത്തിലാണ് ചിത്രീകരണം നടന്നത്.  "പെരിയതേവർ"   കുട്ടികളുമൊത്ത് പാടുന്ന ഗാനത്തിലെ ആദ്യ വരികളാണ് നമ്മൾ മുകളിൽ കണ്ടത്. *കവിജ്ഞർ വാലിയും* ഇളയരാജയും ചേർന്നാണ് പാട്ടൊരുക്കിയത്. ഒരു പക്ഷേ ലോകം ഇത്തരമൊരു  അഭിനേതാവിനെ കണ്ടിട്ടുണ്ടായിരിക്കാനിടയ...

*കാലത്തിൻ കാലടികൾ കടന്നു നടന്നു പോകും* *കോലാഹല സ്വരങ്ങളറിയാതെ...* 1931 നവംബർ ആറാം തീയതി വൈകുന്നേരം 4 മണിക്ക് തിരുവനന്തപുരം സെക്രട്ടേറിയറ്റ് മന്ദിരത്തിനുളളിലെ  ദർബാർ ഹാൾ   അണിഞ്ഞൊരുങ്ങിക്കഴിഞ്ഞു. ഏഴ് വർഷക്കാലത്തെ റീജന്റ് ഭരണത്തിന് ശേഷം തിരുവിതാംകൂറിൽ ഒരു മഹാരാജാവ് കിരീടമണിയുന്ന മുഹൂർത്തം. ശ്രീ പത്മനാഭസ്വാമി ക്ഷേത്ര ദർശനം കഴിഞ്ഞ് ചിത്തിര തിരുനാളും അനുജൻ മാർത്താണ്ഡവർമ്മയും ദർബാർ ഹാളിൽ എത്തിക്കഴിഞ്ഞു. നിയുക്ത രാജാവിനെ ദിവാൻ സ്വീകരിച്ചാനയിച്ചപ്പോൾ ഇരുപത്തിയൊന്ന് ആചാരവെടികൾ മുഴങ്ങി. തുടർന്ന് റസിഡന്റ് വൈസ്രോയിയുടെ വിളംബരം വായിച്ചു.  19 വയസുള്ള കുമാരൻ മഹാരാജാവായി അധികാരമേറ്റ അവിസ്മരണീയമായ ചരിത്രസംഭവത്തിന് ദൃക്സാക്ഷികളായവർ, തിരുവിതാംകൂറിന്റെ അവസാന അധ്യായത്തിന് പ്രാരംഭം കുറിക്കുകയാണെന്ന് സ്വപ്നേപി കരുതിയിരുന്നില്ല. അന്ന് സായാഹ്നത്തിൽ നഗരവീഥിയിലൂടെയുളള മഹാരാജാവിന്റെ എഴുന്നള്ളത്ത് കാണാൻ പതിനായിരങ്ങൾ തിങ്ങിക്കൂടി. ആറ് വെള്ളക്കുതിരകളെ ബന്ധിച്ച സ്വർണ രഥത്തിൽ കൂപ്പുകൈകളോടെ മഹാരാജാവ് പ്രത്യക്ഷപ്പെട്ട  ആ ദൃശ്യം അപൂർവ്വം ചിലരുടെയെങ്കിലും ഹൃത്തിൽ ഇപ്പോഴും ജ്വലിച്ച് നില്ക്കുന്നുണ്ടാ...

*കനകം മൂലം ദുഖം കാമിനി മൂലം ദുഖം* *കണ്ണില്ലാഞ്ഞിട്ടും ദുഖം കണ്ണുണ്ടായിട്ടും ദുഖം* *ദുഖമയം ദുഖമയം ദുഖമയം ജീവിതം* 1973 ൽ _എവർഷൈൻ_ പ്രോഡക്ഷൻസിന് വേണ്ടി *തിരുപ്പതി ചെട്ടിയാർ* നിർമ്മിച്ച് *എസ് എസ് പുരം* കഥ തിരക്കഥ സംഭാഷണം നിർവ്വഹിച്ച *ഇന്റർവ്യൂ*  എന്ന ചലച്ചിത്രം കണ്ടയോർമ്മയിലാണ് ഇന്ന് ഈ അനുസ്മരണം തയ്യാറാക്കിയത്. വളരെ മനോഹരമായ കുടുംബചിത്രമായിരുന്നു അത്. 130 ഓളം മലയാള സിനിമകൾ സംവിധാനം ചെയ്ത *ശശികുമാറിനേ* ഒരു കുടുംബചിത്രമെടുത്ത്  വിജയിപ്പിക്കാനാകൂ. ചിത്രത്തിന്റെ അവസാന രംഗത്തിന്റെ മാസ്മരികതയാണ് അന്ന് പ്രേക്ഷകരെ ആശ്ചര്യപ്പെടുത്തിയത്. മേൽപ്പറഞ്ഞ അർത്ഥവത്തായ ഗാനം രചിച്ചത് *വയലാർ രാമവർമ്മയും* ചിട്ടപ്പെടുത്തിയത് *ദക്ഷിണാമൂർത്തിയും* പാടിയത് *ബ്രഹ്മാനന്ദനുമായിരുന്നു.* _ആലപ്പുഴക്കാരൻ_ *ജോണിനെ* മലയാള ചലച്ചിത്രലോകം അറിയില്ല. എന്നാൽ *ശശികുമാറിനെ* അറിയും. സിനിമാ കൊട്ടകയിൽ നിറഞ്ഞ കയ്യടികളോടെ മാത്രം മിന്നിത്തെളിഞ്ഞ പേരാണ് _ശശികുമാറിന്റേത്._ കാലത്തിന്റെ വെള്ളിത്തിരയിൽ ഒരു സൂപ്പർ ഡ്യൂപ്പർ ഹിറ്റ് ചിത്രമാണ് _ശശികുമാർ._ 2014 ജൂലൈ 17 ന് കൊച്ചിയിലെ സ്വകാര്യ ആശുപത്രിയിൽ ശശികുമാർ അന്തരിച്ചു.   തിരശ്ശീലയ...

*മനോരഥമെന്നൊരു രഥമുണ്ടോ?* *അറിഞ്ഞൂടാ!* *മന്മഥനെന്നൊരു ദേവനുണ്ടോ?.* *അറിഞ്ഞൂടാ* *ശകുന്തള* എന്ന ചിത്രത്തിലെ *വയലാറിന്റെ* വരികളാണ്. ആശ്രമകന്യയാണെങ്കിലും _ശകുന്തള_ മനോരഥത്തിൽ മന്മഥനെയാണ് തിരയുന്നത്! അറുപത്തിയഞ്ചാം വയസ്സിലും ഒരു പുരുഷനെ കാമുകനായോ കൂട്ടുകാരനായോ കമിതാവായോ ഒരു വിധവ ആഗ്രഹിക്കുന്നതിൽ അസാന്മാർഗികത കാണുന്ന സാധാരണ മാനവരുടെ അവസ്ഥയെ സധൈര്യം പുച്ഛിച്ച് തള്ളിയ   *കമലാ സുരയ്യ* ഒരു ജീനിയസ്സാണെന്ന് അഭിപ്രായപ്പെട്ടത് പ്രശസ്തനായ  ഒരു നിരൂപകനാണ്. ഒരു ഇന്ത്യൻ ഇംഗ്ലീഷ് എഴുത്തുകാരിയായിരുന്നു *കമല സുരയ്യ* മലയാളത്തിലും ഇംഗ്ലീഷിലുമായി നിരവധി സാഹിത്യ സൃഷ്ടികൾ കവിത, ചെറുകഥ, ജീവചരിത്രം എന്നിങ്ങനെ പ്രസിദ്ധീകരിച്ചിട്ടുണ്ട്. 1999 ൽ ഇസ്ലാംമതം സ്വീകരിക്കുന്നതിന് മുമ്പ് മലയാള രചനകളിൽ *മാധവിക്കുട്ടിയെന്നും* ഇംഗ്ലീഷ് രചനകളിൽ *കമലാദാസ്* എന്ന പേരിലുമാണ് രചനകൾ നടത്തിയിരുന്നത്. ഇസ്ലാം മതം സ്വീകരിച്ചതിന് ശേഷം *സുരയ്യ* എന്ന നാമം സ്വീകരിച്ചു. ഇംഗ്ലീഷിൽ കവിതയെഴുതുന്ന പ്രമുഖ ഇന്ത്യക്കാരിയായിരുന്നു അവർ. എന്നാൽ കേരളത്തിൽ _മാധവിക്കുട്ടി_ എന്ന തൂലികാനാമത്തിലെഴുതിയ ചെറുകഥകളിലൂടെയുമാണ് അവർ പ്രശസ്തയായത്. 1984 ...

*ഇതാണ് നമ്മുടെ* *സമൂഹത്തിന്റെ ദോഷം*. *കള്ളനെ പോക്കറ്റടിക്കാരനെ നല്ല വേഷമണിഞ്ഞു കണ്ടാൽ മാന്യന്മാരായി സമൂഹം*  *മുദ്രകുത്തും*. *എല്ലുമുറിയെ പണിയെടുക്കുന്നവരാണ്* *അവരുടെ നോട്ടത്തിൽ കള്ളന്മാർ* 1951 ൽ പ്രദർശനത്തിനെത്തിയ  *ആവാരാ* എന്ന  ഹിന്ദി ചലച്ചിത്രത്തിൽ പ്രത്യക്ഷപ്പെട്ട സൗമ്യനായ *കള്ളൻ രാജു* തന്റെ  സാമൂഹ്യരോഷം പ്രതിഫലിപ്പിച്ചതിങ്ങനെയായിരുന്നു. തന്റെ വിധിയും തെരുവുനായയുടെ വിധിയും ഒന്നാണെന്ന് ആ കള്ളൻ തുടർന്നു പറഞ്ഞു. *നീയും നാടോടി ഞാനും നാടോടി.* ""എന്തൊരു രസമുള്ള കാര്യമാണിത്, നീയും തെണ്ടി ഞാനും അങ്ങനെതന്നെ, നിനക്ക് വീടില്ല. എനിക്കും. സ്നേഹത്തിനായി നീ കൊതിക്കുന്നു എന്നെപ്പോലെ. നമ്മൾ തമ്മിലുള്ള  ഏകവ്യത്യാസം നീ മൃഗവും ഞാൻ മനുഷ്യനാണെന്നതുമാണ്. മനുഷ്യൻ... ഹാ...""" തെണ്ടിയും തെരുവുതെമ്മാടിയും കള്ളനുമായ രാജുവിനെ പ്രേക്ഷകർ നെഞ്ചേറ്റുകതന്നെ ചെയ്തു. ഹിന്ദി ചലച്ചിത്രലോകത്തിൽ  അന്നുവരെ ദർശിക്കാത്ത പുത്തൻ തരംഗത്തിന് തുടക്കമായി ആ സിനിമ. തെണ്ടിയുടെ വേഷപ്പകർച്ച അനായാസമായി കൈകാര്യം ചെയ്യാൻ അന്ന് ഹിന്ദി സിനിമയിൽ ഒരാളേ ഉണ്ടായിരുന്നുള്ളു. *രാജ്കപൂർ എന്ന നടൻ* ചലച്ചിത്രനടൻ, സംവിധായകൻ...

*ഹൃദയവാഹിനീ ഒഴുകുന്നു നീ* *മധുരസ്നേഹ തരംഗിണിയായ്.* *കാലമാമാകാശ ഗോപുര നിഴലിൽ,* *കല്പനതൻ കളകാഞ്ചികൾ ചിന്തി.* *ചന്ദ്രകാന്തം* *എസ്.കെ പൊറ്റക്കാട്ട്* എന്ന സാഹിത്യകാരന്റെ കോഴിക്കോടുളള വീട്ടുപേരല്ല ഉദ്ദേശ്യിക്കുന്നത്. 1974 ൽ രാജശില്പിയുടെ ബാനറിൽ  ശ്രീ _ശ്രീകുമാരൻതമ്പി_ നിർമ്മിച്ച് സംവിധാനം ചെയ്ത സുന്ദരമായൊരു കുടുംബ ചിത്രം. അത്തരം ചിത്രങ്ങളിലാണല്ലോ കാലം നമിക്കുന്ന ഗാനങ്ങളുണ്ടാകുക!? ചന്ദ്രകാന്തത്തിലെ എല്ലാ ഗാനങ്ങളും ഇന്നും കേൾക്കുന്തോറും വീണ്ടും കേൾക്കാനിഷ്ടപ്പെടുന്നവയാണ്. തെന്നിന്ത്യയിലെ പ്രശസ്തനായ സംഗീത സംവിധായകനും _ലളിതസംഗീതത്തിന്റെ രാജാവ്_ എന്നർത്ഥത്തിൽ  *മെല്ലിശൈ മന്നൻ*  എന്ന അപരനാമത്തിൽ സംഗീതലോകം ഇന്നും  ഭക്ത്യാദരപൂർവ്വം  ആരാധിക്കുന്ന മലയാളിയായ  *എം എസ്സ് വിശ്വനാഥനായിരുന്നു* ചന്ദ്രകാന്തത്തിലെ പാട്ടുകൾ ചിട്ടപ്പെടുത്തിയത്. രോമാഞ്ചജനകമായ രണ്ട് ഗാനങ്ങൾ അദ്ദേഹമാലപിക്കുകയും ചെയ്തു. അതിൽ പ്രധാനമായതിന്റെ ആദ്യവരികളാണ് മുകളിൽ എഴുതിയിരുന്നത്. *വിശ്വനാഥം നിലച്ചു.* 2015 ജൂലൈ 15 ന് പുറത്തുവന്ന മനോരമ പത്രം  വിദ്യാധരസംഗീതമുയർത്തിയ, മാനസ മരുഭൂമി മലർവാടിയാക്കിയ, കാലത്തിന്റ...

*അനഘ സങ്കല്പ ഗായികേ മാനസ* *മണി വിപഞ്ചികാ വാദിനി നിന്നുടെ* *മൃദു കരാംഗുല സ്പർശനാലിംഗന* *മദ ലഹരിയിലിന്റെ കിനാവുകൾ* 1978 ൽ _മഞ്ഞിലാസിന്_ വേണ്ടി *ഭരതൻ* അണിയിച്ചൊരുക്കിയ *അണിയറ* എന്ന ചലച്ചിത്രം പ്രശസ്ത സാഹിത്യകാരൻ *ഉറൂബിന്റെ* അതേ പേരിലുള്ള നോവലിനെ ആധാരമാക്കിയുള്ളതായിരുന്നു. തിരക്കഥയും സംഭാഷണവും അദ്ദേഹം തന്നെ നിർവ്വഹിച്ചു. *പി ഭാസ്ക്കരന്റെ* മനോഹരമായ കവിതകൾക്ക് *ദേവരാജൻ* ഈണം നല്കി. ചക്രവാളങ്ങളിൽ വൈകാരികാനുഭൂതികളുടെ കൊടുങ്കാറ്റിളകിയ അണിയറയുടെ അഭ്രാവിഷ്ക്കരണം. സ്നേഹാർദ്രമായ ഭാവം കൊണ്ട് ജ്വലിക്കുന്ന മനുഷ്യമനസ്സിന്റെ  ലൈംഗികവികാരമോഹത്തെ പിരിമുറുക്കത്തോടെ വ്യക്തമാക്കുന്ന കലാസുന്ദരമായ മഞ്ഞിലാസ് ചിത്രം.. സോമനും മുരളിമോഹനും ശങ്കരാടിയും മമതയും അഭിനയിച്ച ചിത്രം പരാജയമായിരുന്നു. 1954 ൽ _ചന്ദ്രതാരാ_ ഫിലിംസിനായി  "രാമുകാര്യാട്ടും" "പി.ഭാസ്ക്കരനും"  ചേർന്ന് സംവിധാനം ചെയ്ത *നീലക്കുയിൽ* എന്ന ചിത്രത്തിന് ആദ്യമായി പ്രസിഡണ്ടിന്റെ വെള്ളിമെഡൽ ലഭിച്ചു. മനുഷ്യൻ പരിഷ്ക്കൃതനായെങ്കിലും ജാതിവ്യവസ്ഥ പ്രായോഗിക സാമൂഹിക ജീവിതത്തിൽനിന്ന് മായുന്നില്ല എന്ന് തെളിയിക്കുന്ന   "ഉറൂബ്" രചിച്ച കഥയെ ...

*"കൊച്ചണ്ണനും കൊമരനും പപ്പനാപുരത്ത്* *ഓടിയിരിക്കണാര്;* *എന്തരിനെന്ന്*  *എക്കറിഞ്ഞൂ കൂടാ* *ഇവിടെക്കിടന്നു പുത്താനിക്കണം* *ഞാനിതാ അനത്താനോ കാച്ചാനോ പോണേൻ".* *സിവിയുടെ* പ്രശസ്തമായ ഒരാഖ്യായയിലെ സംഭാഷണമാണ് മുകളിൽ. തെക്കൻതിരുവിതാംകൂറിൽ *കുഴിത്തുറയ്ക്ക്* തെക്ക് തമിഴ്നാടിനോടൊപ്പം വ്യവഹാരത്തിലിരിക്കുന്ന മലയാളഭാഷയുടെ  പ്രാദേശികരൂപമാണ്. കൊച്ചണ്ണൻ കുമാരൻ എന്നിവർ *പത്മനാഭപുരത്ത്* പോയിരിക്കുന്നു എന്നതാണ് ആദ്യത്തെ വാക്യത്തിന്റെ  സാധാരണ സാരം. സിവിയുടെ നാല് ആഖ്യായകളിലും സങ്കല്പിക്കപ്പെട്ടിട്ടുള്ള സംഭാഷണങ്ങളിലെ വ്യാകരണപരമായും ശബ്ദവിഷയകമായും വ്യവഹാരഭാഷയ്ക്കുള്ള പ്രത്യേകതകളുടെ സ്ഥൂലവും സൂക്ഷ്മവുമായ പഠനം മലയാള ഭാഷയ്ക്ക് ഒരു മികച്ച ഗ്രന്ഥം ലഭിക്കാൻ ഭാഗ്യം സിദ്ധിച്ചു. *പ്രതിപാത്രം ഭാഷണഭേദം*  1987 ലെ *വയലാർ* പുരസ്ക്കാരം ലഭിച്ച പ്രസ്തുത പുസ്തകത്തിന്റെ കർത്താവ് *പ്രൊഫസ്സർ*  *എൻ കൃഷ്ണപിള്ളയുടെ* ഓർമ്മയ്ക്ക് മുപ്പത്തിരണ്ടാണ്ട്. ചുരുക്കം കഥാപാത്രങ്ങൾ. നീറിപ്പുകയുന്ന കുടുംബാന്തരീഷം. കുറിക്കുകൊള്ളുന്ന സംഭാഷണം, ഇടത്തരക്കാരന്റെ  ഗാർഹികപ്രശ്നങ്ങൾ. ഇവയൊക്കെ അരങ്ങത്ത് യാഥാർത്ഥ്യമായപ്പോൾ  ...

*ബഹുഗുണ പോയേ ഗുണവും പോയേ.* *ജഗജ്ജീവൻ പോയേ ജീവനും പോയേ* *ഇന്ദിരഗാന്ധി മൊട്ടച്ചി നിന്നുടെ ഭരണം വേണ്ടേ വേണ്ട!....* 1976-77 കാലഘട്ടം. രാജ്യം അടിയന്തിരാവസ്ഥയുടെ ഭീകരതയുടെ നാളുകളിലൂടെ പോയിക്കൊണ്ടിരിക്കുന്നു. അഞ്ചാം ലോകസഭയുടെ കാലാവധി 1976 മാർച്ചിൽ അവസാനിച്ചിട്ടും സഭ പിരിച്ചുവിട്ട് പൊതുതിരഞ്ഞെടുപ്പ് നടത്താതിരുന്നതിൽ പ്രതിപക്ഷ രാഷ്ടീയകക്ഷികളിലംഗമായിരുന്ന ജനങ്ങൾ രഹസ്യമായി പറഞ്ഞു നടന്നിരുന്ന ആദ്യം കുറിച്ചിട്ട ചില മുദ്രാവാക്യങ്ങൾ  തെരഞ്ഞെടുപ്പ് പ്രഖ്യാപനത്തോടെ സംസ്ഥാനമെങ്ങും ഉച്ചത്തിൽ മുഖരിതമായി. 1975 ൽ *ഇന്ദിര* രാജ്യത്ത് ആഭ്യന്തര അടിയന്തിരാവസ്ഥ ഏർപ്പെടുത്തിയതിൽ  പ്രധിഷേധിച്ച് കോൺഗ്രസ്സിലെ തലമുതിർന്ന ചില നേതാക്കളായ *ഹേമവതി നന്ദൻ ബഹുഗുണ* *ബാബു ജഗജ്ജീവൻ റാം* എന്നിവർ _ഇന്ദിരയുടെ_ മന്ത്രിസഭയിൽനിന്നും കോൺഗ്രസ്സിൽനിന്നും രാജിവച്ചു.  അടുത്ത തിരഞ്ഞെടുപ്പിൽ _ഇന്ദിരയും_ _അവലക്ഷണപ്പുത്രനും_ _കോൺഗ്രസ്സും_ തകർന്ന് തരിപ്പണമാകണമെന്ന ദൃഢനിശ്ചയത്തോടെ പ്രതിപക്ഷം വിളിച്ചു നടന്നിരുന്ന മുദ്രാവാക്യങ്ങൾ അന്വർത്ഥമാകാൻ അധികനാളുകൾ  വേണ്ടിവന്നില്ല. സ്വാതന്ത്ര്യസമര സേനാനിയും രാജ്യതന്ത്രജ്ഞനും  രാഷ്ടീയ...

*കാറ്റേ നീ വീശരുതിപ്പോൾ,* *കാറേ നീ പെയ്യരുതിപ്പോൾ,* *ആരോമൽത്തോണിയിലെന്റെ*  *ജീവന്റെ ജീവനിരിപ്പൂ...* 2001 ൽ ശ്രീ _ശശി പരവൂർ,_ ശ്രി _ശശിധരൻപിള്ളയുടെ_ കഥയെ ആധാരമാക്കി *കാറ്റ് വന്നു വിളിച്ചപ്പോൾ* എന്നൊരു ചിലവ് കുറഞ്ഞ ചലച്ചിത്രം സംവിധാനം ചെയ്തു പുറത്തിറക്കി. ചിത്രം പരാജയപ്പെട്ടെങ്കിലും ശ്രിമതി _കെഎസ് ചിത്ര_ ആലപിച്ച ആദ്യംപറഞ്ഞ വരികളിലാരംഭിക്കുന്ന മനോഹരമായ സ്നേഹം  തുളുമ്പുന്ന ഗാനം കേരളക്കരയാകെയുള്ള  സംഗീതപ്രേമികൾകൾക്കും സിനിമാപ്രേക്ഷകർക്കും കേട്ട്  കോരിത്തരിക്കാനായി.  മനോഹരമായ ഒരു കവിതയെ *എംജി രാധാകൃഷ്ണൻ*  എന്ന ഭാവോജ്ജ്വലനായ സംഗീതസംവിധായകൻ  ഈണമിട്ട് ജീവന്റെ  തുടിപ്പേകുകയായിരുന്നു. കവിത രചിച്ചത്  സാഹിത്യകുതുകികൾ, വളരെ പെട്ടെന്ന് മറന്നിടാത്ത കായൽക്കരയിൽ ജീവിച്ച കവി പ്രൊഫസ്സർ *തിരുനെല്ലൂർ കരുണാകരൻ.* *ചെന്നപാരതയുടെ കൈകളിൽ പിടിക്കുവാ-* *നെന്നപോൽ സമാന്തരം പായുന്ന പാളങ്ങളെ!.* പഴയ ഒമ്പതാം ക്ലാസ്സിൽ മലയാള പാഠപുസ്തകത്തിൽ *ആദ്യത്തെ തീവണ്ടി* എന്നൊരു തിരുനെല്ലൂർ കവിത പഠിച്ചത് പലർക്കും സ്മരണയുണർത്തും. ഒറ്റ നോട്ടത്തിൽ സന്ധിക്കുമെന്ന് കാഴ്ചയിൽ തോന്നുമെങ്കിലും ഒരിക്...

*ജയ ജയ ജയ ജന്മഭൂമി* *ജയ ജയ ജയ ഭാരത ഭൂമി* *ആകാശഗംഗയൊഴുകി വന്ന ഭൂമി* *ശ്രീകൃഷ്ണഗീതയമൃത് തന്ന ഭൂമി* *വേദാന്തസാരവിഹാര പുണ്യഭൂമി* *ഭാസുരഭൂമി ഭാരതഭൂമി* *പാലക്കാട്* ജില്ലയുടെ പടിഞ്ഞാറെ അറ്റത്ത്  സ്ഥിതിചെയ്യൂന്ന *ആനക്കര* പഞ്ചായത്ത്. ദേശവിശേഷങ്ങളാലും പ്രസിദ്ധമായ *പന്നിയൂർ വരാഹപ്പെരുമാൾ* ക്ഷേത്രത്താലും  സ്വാതന്ത്ര്യസമരചരിത്തത്തിന്റെ ഭാഗമായ  *വടക്കത്ത് തറവാടിനാലും* പുകൾ പൊങ്ങിയ കര. പണ്ടൊരാന മദമിളകി ഓടിയെത്തിയത് ഇന്നത്തെ കുറ്റിപ്പുറം നഗരത്തിൽ . മിടുക്കന്മാരായ ചില ആന പാപ്പാന്മാർ ഗജത്തെ തളച്ച് ഒരു ഇരുമ്പ് കുറ്റിയിൽ ബന്ധിച്ചതിന്‌ ശേഷം രാത്രി ഉറങ്ങാനായി വീടുകളിലേക്ക് പോയത്രേ. പിറ്റേന്ന് പ്രഭാതത്തിൽ ആനയെ തളച്ച ചങ്ങലയും കുറ്റിയും ഇപ്പുറത്തും ആന ഭാരതപ്പുഴ നീന്തിക്കടന് അക്കരയുമെത്തിച്ചേർന്നു. കുറ്റി ഇപ്പുറവും ആന അക്കരയും എന്ന വായ്മൊഴി ലോപിച്ചുണ്ടായ രണ്ട് സ്ഥലനാമങ്ങളാണ് ഇന്നത്തെ *കുറ്റിപ്പുറവും* ( മലപ്പുറം ജില്ല) പാലക്കാട് ജില്ലയിലെ *ആനക്കരയും* _ചേകന്നൂർ മൗലവിയുടെ_ തിരോധാനം ആനക്കരയ്ക്ക് കുപ്രസിദ്ധിയും നേടിക്കൊടുത്തു. 1988 ൽ പ്രസിദ്ധ സംവിധായകൻ  _സത്യൻ അന്തിക്കാട്_  തന്റെ വിജയചിത്രമായ...