June_18_1941/ അയ്യൻകാളി

*ആഴുവാഞ്ചേരി തമ്പ്രാക്കളിലു-*

*ണ്ടയ്യൻ പുലയനിലു-*  *ണ്ടാദിത്യനിലുണ്ടണുകൃമിയിലുമു-*

*ണ്ടതിൻ പരസ്ഫുരണം*

1893 തിരുവനന്തപുരത്തിനടുത്തുള്ള *വെങ്ങാനൂരിലെ* പൊതുവഴിയിലൂടെ ഒരു വില്ലുവണ്ടി കുതിച്ചു പായുകയാണ്. 

രണ്ട് വെള്ളക്കാളകളെ കെട്ടിയ ആ വണ്ടി മണിനാദം മുഴക്കി പാഞ്ഞുവന്നപ്പോൾ ആളുകൾ കൂട്ടംകൂടി, വണ്ടിയിൽ വരുന്നതാരാണെന്ന് കാണാൻ.

വണ്ടിക്കുള്ളിൽ അവർ കണ്ടത് പതിവ്പോലെ ഒരു തമ്പ്രാനെയല്ല.

അധകൃതരിലൊരാളെയായിരുന്നു.

*അയ്യൻകാളിയെ.*

തമ്പ്രാക്കന്മാരെപ്പോലെ വെള്ള അരക്കയ്യൻ ബനിയനും മേൽമുണ്ടും ധരിച്ചായിരുന്നു ആ വരവ്.

തലയിൽ വട്ടക്കെട്ടുമുണ്ടായിരുന്നു.

ചട്ടമ്പികൾ വണ്ടിയെ വളഞ്ഞു. മേൽ മുണ്ടെടുത്തു മാറ്റാൻ അവർ അയ്യൻകാളിയോട് കല്പിച്ചു. അത് കേട്ടതായി ഭാവിക്കാതെ

ഇടത്കൈകൊണ്ട് മീശതടവി 

വലത്കൈകൊണ്ട്  മടിക്കുത്തിൽ നിന്ന് കഠാര വലിച്ചൂരി _അയ്യൻകാളി_ അവരെ നേരിട്ടു.

വില്ലുവണ്ടിയിൽ _അയ്യൻകാളി_

 യാത്ര ചെയ്തുവന്നത് ചരിത്രത്തിലേക്കാണ്.

താഴ്ന്ന ജാതിക്കാർക്ക്‌ പൊതുവഴി നടക്കാൻ പാടില്ലാതിരുന്ന കാലഘട്ടത്തിൽ 

വില്ലുവണ്ടിയോ വെള്ള

വസ്ത്രമോ ധരിക്കാൻ പാടില്ലാത്ത സമയത്ത് _അയ്യൻകാളിയുടെ_ ""അയിത്തവണ്ടി"" പല 

 വഴികളിലൂടെ സഞ്ചരിച്ചു.

അധകൃതരുടെ അവകാശ സമരത്തിന്റെ  മുന്നണിപ്പടയാളിയായി സ്വയം അവരോധിച്ച അദ്ദേഹം അക്ഷരാഭ്യാസമില്ലാതിരുന്നിട്ടും ഒരു ജനതയുടെ നേതാവായി. *ഗാന്ധിജിക്കും*

*ശ്രീ നാരായണഗുരുവിനും* ബഹുമാന്യനായ അദ്ദേഹം

ദളിത സമുദായങ്ങളുടെ വിശേഷിച്ചും  ഹരിജനങ്ങളുടെ നവോത്ഥാനത്തിന് നേതൃത്വം നല്കി. വഴി നടക്കാൻ മാത്രമല്ല വിദ്യ അഭ്യസിക്കാനും നീതി ലഭിക്കാനും ഉള്ള അവകാശസമരങ്ങൾക്ക് നേതൃത്വം നല്കിയ  _അയ്യൻകാളി_ അധകൃതർക്ക് വിദ്യാലയ പ്രവേശനത്തിനും ഉയർന്ന കൂലിക്കും അർഹതയുണ്ടാക്കി.

1982 മെയ്  മാസത്തിൽ നടന്ന സംസ്ഥന നിയമസഭാ തെരഞ്ഞെടുപ്പിൽ *പാലക്കാട്* ജില്ലയിലെ *തൃത്താല* പട്ടികജാതി സംവരണ മണ്ഡലത്തിൽ

നിന്നും തെരഞ്ഞെടുക്കപ്പെട്ട  

*കെ.കെ. ബാലകൃഷ്ണൻ* മുന്നാമത്തെ *കരുണാകരൻ* മന്ത്രിസഭയിൽ

ഹരിജനക്ഷേമവകുപ്പ് മന്ത്രിയായി.

ഒരു നിയോഗം പോലെ അദ്ദേഹത്തിന് മഹാനായ _അയ്യൻകാളിയെ_ സംബന്ധിച്ച് ചിത്രീകരിച്ച ഒരു ഡോക്യുമെന്ററി ചിത്രത്തിൽ ഒത്തതലയെടുപ്പോടെ ടൈറ്റിൽ റോളിൽ വേഷമിട്ടഭിനയിക്കാനും  

ഭാഗ്യമുണ്ടായി. അയ്യൻകാളിയുടെ വേഷവിതാനത്തിൽ ഒരുങ്ങി നിന്നിരുന്ന മന്ത്രിയെക്കണ്ടാൽ

അയ്യൻകാളിയുമായി യാതൊരു വ്യത്യാസവുമില്ലായിരുന്നു.

_കരുണാകരൻ_ മന്ത്രിസഭയുടെ ഭരണനാളുകളിൽത്തന്നെ തിരുവനന്തപുരം നഗരത്തിന്റെ  പ്രോജ്ജ്വലഭാഗമായ *വെള്ളയമ്പലം* സ്ക്വയറിൽ   _അയ്യൻകാളിയുടെ_ പൂർണകായ പ്രതിമ അന്നത്തെ പ്രസിഡണ്ട് *സെയിൽസിംഗിനാൽ* അനാഛാദനം ചെയ്യപ്പെട്ടു.

വെങ്കലപ്രതിമ വടക്ക് ദിശയിൽ കവടിയാർ രാജസൗധത്തിലേക്ക് തെല്ല് പ്രതിഷേധഭാവത്തോടെ

ദൃഷ്ടി പതിപ്പിച്ചുകൊണ്ടു നില്ക്കുന്നത് തിരുവനന്തപുരത്തുകാർക്ക്  പരിചിതമാണെങ്കിലും അന്യദേശക്കാർ  

അത്ഭുതത്തോടെയാണ് അത് വീക്ഷിക്കുന്നത്.

വെള്ളയമ്പലത്തിലെ പ്രതിമ സ്ഥാപനത്തോടെ ശ്രീപത്മനാഭദാസനായ *ചിത്തിരതിരുനാൾ ബാലരാമവർമ്മ,

*HIS HIGHNESS*  ദിവസവും രാവിലെയുള്ള സ്വാമിദർശനത്തിന് തെക്കെനടയിലെത്താൻ യാത്ര *നന്തൻകോട്* വഴിയാക്കിയതും പഴമക്കാർ മറന്നിട്ടില്ല.

ഇതിനെല്ലാം കാരണഭുതനായ *അയ്യൻകാളി* യുടെ ചരമവാർഷികദിനമാണിന്ന്. 

1941 ജൂൺ 18 നാണ് അദ്ദേഹത്തിന്റെ ദേഹവിയോഗം.

അദ്ദേഹത്തിന്റെ ജന്മദിനം.  2017 മുതൽ 

കേരളസർക്കാർ

പൊതുഅവധിയാക്കി പ്രഖ്യാപിച്ചിട്ടുണ്ട്.

1863 ആഗസ്റ്റ് 28 ന്

*വിഴിഞ്ഞത്തിനടുത്ത്* ചരിത്ര പ്രാധാന്യമുള്ള  _വെങ്ങാനൂർ_ ദേശത്ത് പിറന്ന *കാളി* എന്ന ബാലൻ അത്യാവശ്യ വിദ്യാഭ്യാസം പോലും ലഭിക്കാതെ കൊടിയ യാതനകളും ഉയർന്നവരുടെ അടിയും ചവിട്ടുമേറ്റ് ദൃഢനിശ്ചയത്തോടെ ഭരണകർത്താക്കളുടെ അനീതിക്കെതിരെയും സാമന്തന്മാരായ ഉയർന്ന ജന്മിമാരുടെ ഈശ്വരന് പോലും നിരക്കാത്ത ജാതി വ്യവസ്ഥകൾക്കെതിരെയും പോരാടി വിജയിച്ചത് തങ്കത്താളുകളിൽത്തന്നെ കുറിക്കേണ്ട ചരിത്രമാണ്.

ഈയിടെ അന്തരിച്ച

*ടിഎച്ച് ചെന്താരശേരിയാണ്* _അയ്യൻകാളിയുടെ_  ഒരു സമഗ്ര ജീവചരിത്രം കുറ്റമറ്റ രീതിയിൽ തയ്യാറാക്കിയത്. ആ പുസ്തകത്തിൽ ഇങ്ങിനെ പറയുന്നു. അപമാനകരമായ ഒട്ടനവധി അനാചാരങ്ങളായ കല്ലുമാല ധരിക്കൽ, കാതിൽ ഇരുമ്പുതുണ്ടുകൾ അണിയൽ, മേൽജാതിക്കാരുടെ മുന്നിൽ യവ്വനയുക്തകളായ സ്ത്രീകൾ മാറ് മറയ്ക്കാതെ നില്ക്കൽ, അടിയാളന്റെ കുറ്റത്തിന് തെങ്ങിൽ കെട്ടിയിട്ട് തൊലി പൊളിയുന്നവരെ കഠിനമായുള്ള അടിയേല്പിക്കൽ മുതലായവ നിറുത്തലാക്കാൻ 

*ശ്രീമൂലം പ്രജാസഭയിൽ* അദ്ദേഹത്തിന്റെ സിംഹഗർജ്ജനമുയർന്നത്രെ.!

നീണ്ട ഇരുപത്തിയെട്ട് വർഷം അദ്ദേഹം പ്രജാസഭയിൽ അംഗമായിരുന്നു.

1936 ൽ *മഹാത്മാഗാന്ധിയുടെ* അവസാന കേരള സന്ദർശനത്തിൽ വെങ്ങാനൂരിൽ അയ്യൻകാളിയുടെ നേതൃത്വത്തിൽ മഹാത്മാവിന് ഗംഭീര വരവേല്പ് നല്കി.

നൂറ്റാണ്ടുകളായി അടിമകളുടെ അടിമകളായി നരകയാതന അനുഭവിച്ചിരുന്ന ഒട്ടേറെ സാമൂഹിക വിലക്കുകളും പീഡനങ്ങളും അനുഭവിക്കേണ്ടിവന്ന അധകൃതജനവിഭാഗത്തെ ഉദ്ധരിക്കുന്നതിന് സാഹസികമായി യത്നിച്ച വിശിഷ്ട വ്യക്തിയാണ് അയ്യൻകാളിയെന്ന് ഗാന്ധിജി പറഞ്ഞു. *പുലയരാജാവ്* എന്ന വിശേഷണവും അദ്ദേഹത്തിന് നല്കി.

അയിത്തത്തിനെതിരെ ധർമ്മസമരം നടത്തിയ *ഗുരുദേവനെ* അയ്യൻകാളി ബാലരാമപുരത്തായിരുന്നു ആദ്യം കണ്ടനുഗ്രഹംവാങ്ങിയത്.

അവർ അയിത്തത്തെപ്പറ്റിയും ജാതി വ്യത്യാസത്തെപ്പറ്റിയും ചർച്ച ചെയ്തു.

ഗുരുവിന്റെ നിർദ്ദേശപ്രകാരം

_അയ്യൻകാളി_ തന്റെ പ്രവർത്തനങ്ങൾ കുറെക്കൂടി വിപുലികരിച്ചു.

അപമാനകരങ്ങളായ അനാചാരങ്ങൾ അവസാനിപ്പിക്കാൻ അദ്ദേഹം തന്റെ അനുയായികളെ ഉദ്ബോധിപ്പിച്ചു.

ഇതിനിടയിൽ അദ്ദേഹത്തിന്റെ പ്രശസ്തിയും പേരും

കളഞ്ഞ് കുളിക്കാൻ ഒരു സംഘം ആൾക്കാർ *അയ്യങ്കാളിപ്പട* എന്ന പേരിൽ ഒരു സ്കോഡ്  രൂപീകരിച്ച് 

വിധ്വംസക പ്രവർത്തനങ്ങൾ നടത്തുകയുണ്ടായി.

1996 ൽ *പാലക്കാട്‌* കളക്ടർ

ശ്രീ _ഡബ്ളിയു ആർ റെഡ്ഡിയെ_ ബന്ദിയാക്കാൻ തുനിഞ്ഞതും ഇവരായിരുന്നു.

അക്രമസമരവും ഭീഷണിപ്പെടുത്തലും അയ്യൻകാളിയും അന്നുണ്ടായിരുന്ന ഹീനമായ

ആചാരങ്ങൾക്കെതിരെ ഒരായുധമായി പ്രയോഗിച്ചിരുന്നു.

സാമാജ്യത്വ ശക്തികൾ 

പിൻവാങ്ങുകയും

ജനായത്തഭരണത്തിന് തുടക്കമാവുകയും ചെയ്ത സാഹചര്യത്തിൽ ഇത്തരം മാർഗങ്ങൾ നാടിന് യോജിച്ചതല്ല എന്നും

ഓർമ്മപ്പെടുത്തുന്നു.

ആ സാമൂഹ്യപരിഷ്ക്കർത്താവിന്റെ ഓർമ്മകൾക്ക് മുന്നിൽ നമസ്ക്കാരം

*കെ.ബി. ഷാജി. നെടുമങ്ങാട്.*